Subscribe to Morgunblaðið feed
Forsíðufréttir mbl.is
Updated: 9 min 11 sec ago

Grunnskólakennarar samþykktu

1 hour 4 min ago
Meirihluti félagsmanna í Félagi grunnskólakennara hefur samþykkt upptöku nýs vinnumats. Atkvæðagreiðsla um vinnumat stóð yfir frá klukkan 9 föstudaginn 13. febrúar til klukkan 13 í dag, föstudaginn 27. febrúar.

Vinnumatið fellt

1 hour 15 min ago
Framhaldsskólakennarar í ríkisreknum framhaldsskólum og Tækniskólanum hafa fellt nýtt vinnumat. Vinnumatið var hinsvegar samþykkt í Verzlunarskóla Íslands og Menntaskóla Borgarfjarðar.

Má ekki fækka búðum í miðbænum

1 hour 27 min ago
Eins og staðan er í dag er ekki hægt að lækka frekar hlutfall smásöluverslunar á jarðhæð við Bankastræti, Laugaveg og Skólavörðustíg vegna starfsemiskvóta Reykjavíkurborgar. Sæki menn um að breyta starfsemi verslunar í veitingahús á þessum svæðum verður því synjað.

Stólparnir verstir fyrir vélhjólafólk

1 hour 44 min ago
Víravegrið sem notuð hafa verið hér á landi til að aðskilja akstursstefnur eru ekki verri fyrir vélhjólafólk en önnur vegrið. Þetta segir Vegagerðin og einnig að það séu stólparnir sem eru hættulegastir óvörðum vegfarendum. Staðreyndin sé sú víravegrið bjargi mannslífum.

Vill kaupa bestu hluta lánasafns ÍLS

1 hour 47 min ago
Arion banki hefur áhuga á að kaupa „bestu hluta“ lánasafns Íbúðalánasjóðs, segir Höskuldur H. Ólafsson, forstjóri bankans. Bankinn hefur látið stjórnvöld vita af áhuga bankans á lánasafninu. Höskuldur leggur til að félagsleg starfsemi ÍLS og LÍN verði sameinuð undir hatti Landsbankans, á meðan bankinn er í ríkiseigu.

Eyfirskur hvalur í Karíbahafi

1 hour 59 min ago
Hnúfubakur sem merktur var með gervitunglasendi við Hrísey þann 10. nóvember 2014 er nú, 110 dögum síðar, staddur í Karíbahafi.

Íslenskar stelpur stækka varirnar með flösku

2 hours 27 min ago
„Þetta var mjög sársaukafullt,“ segir hin 18 ára Yrja Ás Baldvinsdóttir sem prófaði, ásamt systur sinni, að stækka varirnar á sér með flösku. Þessi aðferð, að láta varirnar sogast ofan í flösku þar til þær bólgna, virðist vera orðin nokkuð vinsæl hjá ungum stelpum sem láta sig dreyma um stórar og þrýstnar varir.

Mourinho hefur ekki sömu áhrif og Ferguson

6 hours 19 min ago
Paul Scholes, fyrrum leikmaður Manchester United, segir að Jose Mourinho, knattspyrnustjóri Chelsea, sé ekki jafn áhrifamikill og Sir Alex Ferguson var á tíma sínum sem stjóri United. Scholes segir dómarana á Englandi ekki jafn áþjáða í að gera vel við Mourinho eins og oft var talað um í sambandi við Ferguson.

Áfengisfrumvarp afgreitt

6 hours 26 min ago
Allsherjar- og menntamálanefnd afgreiddi frumvarp um smásölu áfengis á fundi sínum í morgun og fer það nú til 2. umræðu á Alþingi. Þó að meirihluti hafi verið fyrir því að afgreiða frumvarpið úr nefndinni stóðu aðeins þrír nefndarmenn af níu að meirihlutaáliti á því.

Ekki auðvelt en nauðsynlegt

6 hours 26 min ago
Fjármálaráðherra Þýskalands, Wolfgang Schaeuble, hvetur þingmenn á þýska þinginu til þess að samþykkja fjögurra mánaða framlengingu á björgunarpakka Grikklands. Hann segir að þetta sé ekki auðveld ákvörðun en nauðsynleg.

Fimm skjálftar við Herðubreið og Öskju

6 hours 43 min ago
Á annan tug skjálfta mældust í Bárðarbungu síðan í gærmorgun. Stærsti skjálftinn mældist 2,5 að stærð kl. 01:59 í nótt en aðrir skjálftar voru allir minni en 2 stig.

Ökumaðurinn kominn fram

6 hours 49 min ago
Ökumaður sem lögreglan á höfuðborgarsvæðinu lýsti eftir í gær á bifreiðinni VG-706 er kominn fram. Lögreglan þakkar þeim sem veittu aðstoð við leitina.

Hvernig er kjóllinn á litinn?

7 hours 20 min ago
Á meðan Íslendingar sváfu varð allt brjálað á Tumblr og Twitter vegna myndar af kjól, sem hefur farið eins og eldur í sinu um netheima. Menn deila hart um það hvort kjóllinn er hvítur og gylltur eða blár og svartur, og eru alls ekki á einu máli.

Sex ára fangelsi fyrir ofbeldið

8 hours 10 min ago
Kona í Hong Kong var í dag dæmd í sex ára fangelsi fyrir að hafa beitt indónesíska þernu, sem starfaði á heimili hennar, ofbeldi. Amnesty International segir að þernur í Hong Kong séu í raun þrælar.

Vill að „Jihadi John“náist lifandi

Thu, 02/26/2015 - 22:42
Ekkja manns sem var tekinn af lífi af grímuklæddum liðsmanni Ríki íslams, „Jihadi John“, segir að hún vilji að hann náist lifandi.

Ekki talin hætta í byggð

Thu, 02/26/2015 - 22:15
Óvissustig vegna snjóflóðahættu er enn í gildi á sunnanverðum Vestfjörðum og rýming enn í gildi á Patreksfirði og Tálknafirði en það verður endurmetið með morgninum.

Fjölmörgum bjargað af heiðum

Thu, 02/26/2015 - 22:07
Björgunarsveitir og lögregla á Suðurlandi stóðu í ströngu í gærkvöldi og fram á nótt við að aðstoða hundruð ferðalanga sem sátu fastir uppi á heiðum. Lyngdalsheiðin er enn ófær en Hellisheiði var opnuð um tvöleytið í nótt og Þrengslin um tíu í gærkvöldi.

Aflahrota og mok hjá nánast öllum

Thu, 02/26/2015 - 21:30
„Það hefur verið mokveiði við Reykjanesið hjá öllum sem sækja í þorskinn. Ég man ekki eftir öðrum eins landburði af fiski hjá minni bátunum og er ég þó búinn að vera í þessu frá 1988,“ segir Guðjón Þ. Ólafsson, útgerðarmaður Óla Gísla GK frá Sandgerði.

Corolla í happdrætti áskrifenda

Thu, 02/26/2015 - 21:30
Toyota Corolla-bifreið er vinningurinn í nýju áskrifendahappdrætti Morgunblaðsins. Bifreiðin verður dregin úr potti með nöfnum áskrifenda blaðsins 22. apríl næstkomandi.

Hagnaður 81 milljarður

Thu, 02/26/2015 - 21:30
Hagnaður þriggja stærstu bankanna nam samtals 81,2 milljörðum króna á síðasta ári. Landsbankinn skilaði mestum hagnaði eftir skatta eða 29,7 milljörðum króna, Arion banki var með 28,7 milljarða hagnað og Íslandsbanki hagnaðist um 22,8 milljarða.

Pages

Morgunblaðið